طالبان: تخار کې دوه مېرمنې د درغلۍ پر تور ونيول شوې
طالبانو په تخار ولایت کې دوه مېرمنې د درغلۍ په تور نیولې دي.
د طالبانو د سرپرست حکومت د تخار امنیتي مسوولینو رسنیو ته ویلي، چې دوو ښځو، چې ځانونه یې د بهرنيو موسسو کارکوونکې معرفي كولې او له ښځو يې پر بېلابېلو بهانو پيسې ټولولې، د څلورمې ناحيې د پوليسو له لوري ونيول شوې.
د طالبانو د حکومت د تخار امنیه قومندانۍ ویاند زیاته کړې، نیول شوې ښځې اوس مهال تر څېړنو لاندې دي او تر څېړنو وروسته به عدلي او قضایي ارګانونو ته وسپارل شي.