عربستان کې رونالډو د خپل سیال لیونل میسي پر وړاندې
پنجره ورځپاڼه: سعودي عربستان کې کریسټیانو رونالډو به خپله لومړۍ لوبه کې د پاريسن جرمن او د هغه اصلي سیال لیونل میسي پر وړاندې ترسره کړي.
دا يوه دوستانه سيالي ده، چې د جنورۍ په ۱۹مه نېټه به د سعودي عربستان پلازمېنه ریاض ښار کې ترسره شي.
قطر کې د ۲۰۲۲ فوټبال نړۍوال جام وروسته، د دغو سياليو نوموتی پرتګالي ستوری رونالډو د یو تاریخي او اوږد مهاله قرارداد له مخې د سعودي عربستان النصر لوبډلې سره یو ځای شوی دی.
کریسټیانو رونالډو او لیونل میسي د نړۍ له غوره فوټبالرانو څخه دي چې ۱۲ ځلې یې د سرو زرو توپونه ګټلي دي.