ننګرهار کې ولسونه ویجاړ شوی سړک بیارغوي
د ننګرهار ولسونه په خپل شخصي لګښت هغه سړک بیارغوي چې سېلاونو خراب کړی دی.
د سرچینې د معلوماتو له مخې، د ننګرهار سپین غر ولسوالۍ مامند سیمې ولسونو په خپل شخصي لګښت د فرعي سړک چې اورښتونو او سېلاونو له امله ویجاړ او تخریب شوی وو، د جوړېدو چارې یې پیل کړې دي.
سرچینه زیاتوي، د دې سړک په بیارغولو سره به د مکړني، باغ، سرخاب، خروي او نورو کلیو ترمنځ د تګ راتګ ستونزه حل شي.
دغه ولسونه وایي، چې د يادې ولسوالۍ مقام څخه تر شډل بازار او مامند پورې د فرعې سړک د جوړېدو منظوري هم شوي وه خو مسوولينو تر دې مهاله عملي اقدام نه دی کړی، هغوی له طالب سرپرست حکومت څخه غواړي چې په دې برخه کې جدي اقدام وکړي.