نبیل: طالبان د افغانستان او سیمې لپاره وژونکي ناروغي ده
پنجره ورځپاڼه: د افغانستان د ملي امنیت پخواني رییس رحمت الله نبیل ويلي، چې طالبان او طالباني مفکورې د افغانستان او سیمې د نن او سبا ټولنې لپاره وژونکې او خطرناکه ناروغي ده.
د ملي امنيت پخواني رئيس پر خپله ټویټر پاڼه د ایران د اسلامي انقلاب د بري د ۴۴مې کلیزې په مراسمو کې ددغه هېواد د سفیر ترڅنګ د یو شمېر طالب چارواکو د عکسونو په خپرولو، طالبان هغو شپنو ته ورته بللي چې د پسونو د غوښې او پوستکو د ترلاسه کولو په فکر کې دي نه د دوی.
نبیل ظاهراً ایران ته په یو ډول اشارې ويلي: «دغه مرض ته په نږدې کېدو سره تاسو هم پرې اخته شئ او خطرناکې پایلې به درته ولري.» هغه ټینګار کړی چې طالبان ځانونه شپانه نور رمه بولي.
د يادونې وړ ده چې ایران که څه هم تر دې دمه په ظاهره څوجڅ طالبان په رسمیت نه دي پېژندلي، خو له دغې ډلې سره ښې پراخې اړیکې لري.