مراکش او کرويشيا د دريم مقام ګټلو لپاره لوبه کوي
پنجره ورځپاڼه: د فوټبال نړۍوال ۲۰۲۲ جام د لوبو په لړ کې نن ماښام دوه لوبډلې د دغه جام د دريم مقام د ګټلو لپاره سیالي کوي.
کرواشیا او مراکش دوه هغه لوبډلې دي چې تر نيمه پايلوبې يې لار ومونده، خو په نيمه پايلوبه کې له ماتې وروسته نن شپه دواړه لوبډلې له یوه بل سره په دريم مقام لوبه ترسره کوي.
دغه لوبه به نن ماښام د افغانستان پر وخت ۷:۳۰ بجې پيل شي.
ټاکل شوې، چې د فوټبال نړۍوال جام پايلوبې کې سبا یکشنبه دوه پياوړې لوبډلې ارجنټاین او فرانسه د دغه جام د ګټلو په موخه خپلو کې سیالي وکړي.