په هېواد کې یو ځل بیا زلزله شوې ده

د افغانستان په اکثرو ولایتونو کې نن یو ځل بیا زلزله رامنځته شوې ده.

سرچینې وایي، چې ‏د خوست، پکتیکا او پکتیا په ګډون د افغانستان په یو شمېر نورو ولایتونو کې څو شېبې وړاندې د ریښتر په کچه 5.1 درجې زلزله شوې ده.

سرچینې زیاتوي، چې یادې زلزلې خلکو ته مالي زیانونه اړولي او ګڼ شمېر خلک یې ټپیان کړي دي خو د مړو شویو په اړه تر دې مهاله کومې سرچینې جزیات نه دي خپاره کړي.

طالب چارواکي وایي، چې د پکتیکا د ګیان ولسوالۍ سیمې ته روغتیایي ټیمونه او امبولانسونه رسېدلي دي څو د زلزلې ټپیان روغتیایي مرکزونو ته ورسوي.

تر دې څو اوونۍ وړاندې هم زلزلې په پکتیکا، خوست او پکتیا ولایتونو کې خلکو ته درانه مالي او ځاني زیانونه اړولي وو.