Trending
پکتیکا کې نامعلومو کسانو د یوه باغ ۳۰۰ونې رېبلې دي
د پکتیکا محلي چارواکي وايي، چې تېره شپه نامعلومو کسانو په دغه ولایت کې د یوه باغ ٣٠٠ میوه لرونکې ونې رېبلې دي.
د سرپرست حکومت د پکتیکا د والي ویاند رسنیو ته ويلي، چې د دې ولایت د اومنې ولسوالۍ اړوند د ګناوې په کلي کې نامعلومو کسانو د یوه باغ ٣٠٠ د مڼو ونې چې په بار رسېدلې وې، رېبلي او له منځه یې وړې دي.
د هغه په وینا، د یادې پېښې لامل تر دې مهاله نه دی معلوم شوی او نه یی په اړه څوک نیول شوي، خو ټینګار کوي چې په دې تړاو پلټنې روانې دي.