هرات کې څلور تنه د يوه کس د سوځولو په تور نيول شوي
نن په هرات کې د طالبانو له لوري څلور تنه د یوه کس د سوځولو په تور نیول شوي دي.
د طالبانو د سرپرست حکومت د هرات امنیتي چارواکي وايي، چې د طالبانو ځواکونو د دغه ولایت د ګذرې ولسوالۍ له اړوندو سیمو څخه څلور تنه د یوه کس د سوځولو په جرم نیولي دي.
د هرات د امنيې قوماندانۍ وياند محمود شاه رسولي رسنیو ته ویلي، چې نيول شويو کسانو په لومړنيو څېړنو کې منلې، چې يوه کس ته یې اور ور اچولی او وژلى دى.
د رسولي په وینا د نیول شویو کسانو دوسیې عدلي ارګانونو ته استول شوي دي.