د ننګرهار له سېلاب ځپلو سره مرسته وشوه
د الکوزي شرکت له لوري د ننګرهار له سېلاب ځپلو کورنیو سره مرسته وشوه.
د ننګرهار ځایي سرچینې وایي، چې د دغه ولایت د بټي کوټ ولسوالۍ په باریکاب کلي کې د الکوزي نړۍوال شرکت له لوري له ۲۰۶ سېلاب ځپلو کورنیو سره مرسته وشوه.
سرچینه زیاتوي، چې په یاده مرسته کې د خوراکي او غیر خوراکي توکي شامل وو، چې د یوې سروې په اساس په نښه شویو سېلاب ځپلو کورنیو ووېشل شوې.
په دې وروستیو کې د هېواد ګڼې کورنۍ د سختو سېلابونو له امله وځپل شوې چې نړۍوالو او داخلي مرستندویه بنسټونو له لوري ورسره مرسته وشوه، خو لا هم ګڼ شمېر کورنۍ لومړنیو مرستو ته اړتیا لري.