فيليپين کې سېلاوونو او ځمکې ښويېدنې لسګونه کسان مړه او ټپيان کړي
فيليپيني رسنۍ وايي، چې د هېواد په سويل کې يې د زورور سېلاوونو او ځمکې ښويېدنې له کبله پنځوس تنه مړه او لسګونه نور ټپيان شوي دي.
همداراز سرچينې زياتوي، چې لسګونه وګړي لادرکه دي او په وينا يې، ممکن د مړو او ټپيانو شمېره نور هم لوړه شي. د فيليپيني رسنيو د خپاره شویو معلوماتو له مخې سېلاوونو ۵ سوه کورونه نړولي دي.
فيليپيني رسنيو د خپل هېواد د هوا پېژندنې ايالتي ادارې له قوله ويلي، چې د خطرناک توفان او دوامداره بارانونو له کبله تېره ورځ د مينډانايو ټاپو وزمې ګڼې سيمې تر اوبو لاندې شوې دي.
دا په داسې حال کې ده، چې په فليپين کې د وروستيو کلونو د سېلاوونو د راوتلو له کبله ګڼ شمېر وګړي مړه شوي دي او ټپيان شوي دي.