ډاکټر عبدالله عبدالله له کرزي سره لیدلي دي
په دې لیدنه کې کرزي او عبدالله عبدالله د هېواد پر روانو حالاتو خبرې کړې دي.
د پخواني حکومت د سولې د عالي شورا مشر ډاکټر عبدالله عبدالله نن شپه پر خپله فیسبوک پاڼه د افغانستان له پخواني ولسمشر حامد کرزي سره د لیدنې خبر ورکړی دی.
ډاکټر عبدالله لیکلي، چې په دې لیدنه کې یې د هېواد د روان وضعیت په تړاو خبرې اترې کړي او د ژمي را رسېدو ته په پام سره یې د افغانستان له خلکو سره د نړۍ والې ټولنې د بشري مرستو پر زیاتوالي ټینګار کړی دی.
دا په داسې حال کې ده، چې ډاکټر عبدالله له څو ورځني سفر وروسته پرون بېرته هېواد ته راستون شوی دی.