پاکستان کې چاودنې سرتېرو ته مرګ ژوبله اړولې
د پاکستان په بلوچستان ایالت کې یوې چاودنې ۸پاکستاني سرتېرو ته مرګ ژوبله اړولې ده.
د سرچینو د معلوماتو له مخې، د پاکستان په بلوچستان ایالت کې یوې چاودنې ۸ پاکستاني سرتېرو ته مرګ ژوبله اړولې ده.
سرچینې وایي، دا چاودنه تېره ورځ د بلوچستان ایالت د پنجګور ولسوالۍ اړونده سیمه کې شوې ده، چې په یاده سیمه کې د پوځ اړونده د ملیشې ځواکونو د ګزمې پر یوه موټر چاودنه شوې او ۵ پاکستاني سرتېري په کې وژل شوي، درې نور ټپیان شوي دي.
له څو میاشتو راهیسې په ګاونډي هېواد پاکستان کې پر سرتېرو چاودنو سخت زور اخیستی دی.