اسټرالیاوی لوبغاړی انډریو سایمنډز مړ شوی

د اسټرالیا د کرکټ ملي لوبډلې پخوانی لوبغاړی انډریو سایمنډز په یوه ترافیکي پېښه کې مړ شوی دی.

د راپورونو د معلوماتو پر بنسټ د اسټرالیا د کرکټ ملي ادارې ویلي، چې د دې هېواد د کرکټ ملي لوبډلې پخوانی لوبغاړی انډریو سایمنډز د ۴۶ کالونو په عمر د اسټرالیا په شمال ختیځ کې په یوه ترافیکي پېښه کې مړ شوی دی.

نوموړي د اسټرالیا لپاره ۲۶ ټیسټ، ۱۹۸ یو ورځنۍ او ۱۴ شل اوریزې لوبې کړې وې، هغه د ورو توپ اچونې تر څنګ ښه توپوهنه هم کولی شوه.