پر فلسطین د اسراییلو بريدونه دوام لري
په تېرو څو ورځو کې غزې باندې د اسراييلو د بريدونو له کبله لسګونه فلسطينيان وژل شوي دي.
بهرنۍ رسنۍ وايي، چې د تېرو څو ورځو راپدیخوا په غزې باندې د اسراييلو د بريدونو له کبله ۲۸ کسان وژل شوي دي.
د سرچينو د راپورونو پر اساس، په وژل شويو کسانو کې شپږ ماشومان او دوې مېرمنې هم شاملې دي.
سرچينې وايي، چې د ياد شمېر کسانو پر وژل کېدو سربېره په دغو بريدونو کې لږ تر لږه ۳ سوه کسان ټپيان شوي هم دي.
دا بريدونه د تېرې جمعې په ورځ پيل شوي او سرچينو په خپلو راپورونو کې ويلي، چې په مقابل او انتقامي اقداماتو کې فلسطين هم د اسرائيلو پر خاوره تر ۴ سوه ډير توغندي ويشتلي دي.
په ورته وخت کې د فلسطین د راکټي بريدونو له کبله د اوښتې مرګ ژوبلې په اړه تر دې دمه کره معلومات نشته، خو اسرائيلو منلې چې په دې بريدونو کې دوی ته تلفات اوښتي دي.