افغانستان زمبابوې ته ماته ورکړه
افغان کرېکټ ملي لوبډلې کوربه زمبابوې ته پرلپسې دريمه ماته هم ور کړه.
افغانستان د کوربه زمبابوې کرېکټ ملي لوبډلې څخه پرلپسې دریمه نړۍواله یو ورځنۍ لوبه هم وګټله او له دې سره یې د دریو یو ورځنیو نړۍوالو سیالیو لوبو لړۍ یې د درې صفر په مقابل کې په خپل نوم کړه.
افغان کرېکټ ملي لوبډلې له کوربه او سيالې زمبابوې لوبډلې سره په هراري لوبغالي کې درې يو ورځنۍ لوبې ترسره کړې، چې درې واړه يې په ښه توپیر سره افغان لوبډلې وګټلې او له دې سره يې وکولای شول، څو د سوپرليګ لوبو په نوملړ کې دویم مقام خپل کړي.
همداراز د يادونې ده، چې افغان لوبډله له زمبابوې لوبډلې سره په راتلونکو ورځو کې درې شل اوریزې سیالۍ هم لري.