بامیان کې یوه زلمي ځان په دار ځړولی دی
پنجره ورځپاڼه: د بامیان سیمهییزې سرچینې وايي، چې د دغه ولایت په مرکز د دره فولادي سیمې د «سياهخاک» کلي کې د لایق په نوم یوه ۲۲ کلن ځوان ځان په دار ځړولی دی.
د سرچينې د معلوماتو له مخې، دا ځوان ٢٢ کاله عمر لرلو او په باميانو کې د يوه خصوصي شرکت کارکوونکى و. له بلې پلوه د باميانو د طالبانو والي وياند عبدالصبور سيغاني رسنیو ته ویلي چې یاد هلک د نامعلومو دلايلو له مخې ځان په دار ځړولى او عدلي څېړنه ښيي چې دا پېښه بل چا پورې اړه نه لري.
په دې وروستیو کې په هېواد کې د ځان وژنو پېښې زیاتې شوې دي. د معلوماتو پر اساش، هره اوونۍ د هېواد له بېلابېلو ولايتونو څخه د ځانوژنې د ډېرو پېښو راپورونه ورکول کېږي.
د کارپوهانو په اند، بې وزلي، بېکاري، کورنۍ تاوتریخوالی د ځانوژنې د پېښو اصلي لاملونه دي. تر دې وړاندۍ هم په بامیان کې د ځانوژنې ورته پېښې ثبت شوې دي.