هلمند کې خلک په شخصي لګښت یو لوی کانال پاکوي
د هلمند ولایت د ناوې ولسوالۍ اوسېدونکي وايي، چې د دې ولسوالۍ ولسونو پخپل شخصي لګښت د عمومي بغرا په نوم د یؤ کانال د پاک کارۍ چارې پیل کړې.
د ناوې ولسوالۍ د ځايي اوسېدونکو په وینا، له دغه کانال څخه د تېرو لسو کلونو راهیسې ګټه نه وه اخیستل شوې، چې له امله يې اوبه ضایع کېدې او د خلکو ځمکو ترې زېم اخیسته.
د یادې ولسوالۍ اوسیدونکي زیاتوي چې د دې کانال د پاک کارۍ چارې به څو ورځې دوام وکړي او په دې سره د ځایي خلکو د ځمکو د زیم ستونزه حل شي.
دوئ د افغانستان له ټولو ولسونو غوښتي چې یوازې د حکومت په تمه دې نه کښېني او د کلیو، ولسوالیو په دا ډول کارونو کې دې پخپله مرسته او کار وکړي.