ملګرو ملتونو د افغانستان څوکۍ طالبانو ته ور نه کړه

د ملګرو ملتونو د اعتبار ورکونکې کمېټې د ډيسمبر په لومړۍ نېټه پرېکړه کړې چې د افغانستان څوکۍ طالبانو ته نه ده ورکړې.

د اګسټ په پنځلسمه د ولسمشر غني تر مشر لاندې د جمهوري نظام تر سقوط وروسته په افغانستان کې طالبانو حکومت نیولای؛ خو لا هم ملګرو ملتونو یا کوم بل هېواد په رسميت نه دی پېژندلی.

بل خوا په ملګرو ملتونو کې ددې څوکۍ لپاره د طالبانو نوماند سهېل شاهين رسنيو ته ويلي چې د ملګرو‌ ملتونو دا پرېکړه غير عادلانه ده.