لوګر کې د ۲۶ ښوونځيو د بيا رغونې سروې پيل شوې ده
د لوګر د پوهنې ریاست مسؤلین وایي، چې د دې ولايت په مرکز او ولسواليو کې د ۲۶ ښوونځيو د ودانيو د بيا رغولو په مٶخه سروې پيل شوې ده، چې دا سروې د پوهنې رياست د انجينرۍ مديريت يوه مياشت مخکې پيل کړې ده او د روانې سلواغې مياشتې تر پايه به دوام ومومي.
هغوئ زیاتوي چې د يادې سروې له پيله تر اوسه، د ۲۰ ښوونځيو د سروې چارې پای ته رسېدلي او د ۶ نورو ښوونځيو سروې به هم بشپړه شي. چې د یادې سروې تر بشپړولو او بودجې منظورولو وروسته به د نوموړو ښوونځيو د بيارغاونې عملي چارې پيل شي.
د يادونې وړ ده،چې په لوګر ولایت کې دا مهال د نجونو او هلکانو ۲۷۶ ښوونځي شتون لري خو ۲۰۹ يې ودانۍ او ۶۷ يې تر اوسه ودانۍ نه لري.