لوګر کې دوه اختطافګر نیول شوي دي
طالبانو په لوګر ولایت کې د دوو اختطافګرو د نیولو خبر ورکړی دی.
د طالبانو د سرپرست حکومت د لوګر د امنیې قومندانۍ ویاند احمدالله انس وایي، چې تېره شپه د دې ولایت په مرکز پل علم ښار کې د طالبانو لخوا دوه تنه اختطافګر نیول شوي دي.
انس زیاتوي چې له اختطافګرو سره دوه میله تفنګچې هم نیول شوي دي.
د انس په وینا یادو اختطافګرو غوښتل چې یو تن هېوادوال اختطاف کړي، چې هدف ته تر رسېدو وړاندې د طالبانو د ځانګړیو عملیاتو په ترڅ کې نیول شوي دي.
همداراز انس وویل چې یاد اختطافګر اوس مهال د لوګر د امنې قومدانۍ په نظارت خونه کې دي چې له څېړنو وروسته به عدلي او قضایي ارګانونو ته وسپارل شي