لوګر ښاروالۍ په ښار کې د خوراکي او غیر خوراکي توکو د تاریخ څارنه او کنټرول وکړ
د لوګر د ښاروالۍ مسؤلین وایي، چې د کارکوونکو یو ټیم د دې ولایت په مرکز پل علم ښار کې په هټیو کې د بې کیفیت او تاریخ تیرو توکو د راټولولو کمپاین په لاره اچولی دی.
هغوئ زیاتوي چې ياد کمپاین چی د شهیدانو له څلورلار لارې څخه پیل او د ډاکټرانو تر مارکیټونو پورې دوام وموند پکې له هټیو څخه بیلابیل تاریخ تیري توکي راټول کړي او ښاروالۍ ته یې انتقال کړي دي.
د لوګر د ښارولۍ مسولین همداراز وایي چې د پل علم ښاروالۍ په پام کې لري چي د یاد کمپاین په پلي کولو سره د یاد ښار له ټولو هټيو څخه تاریخ تېري توکي راټول کړي او له هټیوالو سره قانوني چلند تر سره کړي.