لمرینې پېغلې
لمرینې پېغلې
لمرینې پېغلې، ستوري جوړ دې له افکارو کړه
سترګې رڼې ساته ګرد ټول له دې هیندارو کړه
دوی چې ایمان یې ستا د زلفو په نڅا لړزېږي
ګونګرو کې وڅرخه، کافر یې په شرنګارو کړه
په شپې میین به دې د تپې تیارې غېږ ته سپاري
وارخطا نشې راټول ستوري له مدارو کړه
په خزان ژوند کې که غونچه خولګۍ سپړلې غواړې
زړه لیونی ساته، خبرې د هوښیارو کړه
که دې اواز محوه کوي، کتاب، قلم دې اخلي
خیال دې ژوندی لره فکرونه د بېدارو کړه
داغ چې د داغ لپاسه درکړي، زړه دې مه لړزوه
ورته موسکۍ شه، پوچ وحشي زهر د مارو کړه
#شفیقه_خپلواک
#نوی_شعر