طالبانو د طلوع نیوز درې کارکونکي نیولي دي
کابل کې د طالبانو د سرپرست حکومت د استخباراتو مسؤلینو د طلوع نیوز خصوصي ټلویزیون درې کارکونکي نیولي دي.
راپورونه وایي، چې د طلوع نیوز سرپرست رئیس خپلواک صافی، د سیاسي خپرونو چلونکی بهرام امان او د دیني خپرونو چلونکی نافع خلیق پرون ناوخته د طالبانو استخبارتو نیولي دي.
راپورونه زیاتوي چې نافع خلیق تر نیول کېدو وروسته خوشې شوی خو خپلواک صافی او بهرام امان لا هم د طالبانو په بند کې دي.
طالب چارواکو تراوسه په دې اړه رسنیو ته څه نه دي ویلي.
دطالبانو دې کړنې له هېواده بهر او دننه غبرګونونه راپارولي دي.