زلنسکي: روسان نه شي کولای د اوکرایني خلکو په زړونو حکومت وکړي
اوکراین وايي تر دې دمه مو د له روسیې سره په جګړه ۱۳ سوه عسکر وژل شوي دي.
د اوکراین ولسمشر ويلادیمیر زلنسکي په يوې خبري ناسته د ګډون پر مهال ويلي؛ چې د روسیې له خوا بريدونه زيات شوي او وايي دوی زموږ عامه ځایونه بمبار کوي.
د زلنسکي په خبره په دغو بريدونو کې تر دې مهاله ۱۳ سوه اوکرايني عسڅ وژل شوي او زرګونه نور يې ټپيان دي.هغه همداراز د زرګونو روسي عسکرو د وژلو خبر ورکوي.
زلنسکي ټينګار کوي، چې روسیه به د کيف ښار هم تر خپل کنټرول لاندې راولي؛ خو وايي هېڅکله نه شي کولای د اوکرایني خلکو په زړونو حکومت وکړي.
هغه همدارنګه ويلي، چې اوکراينيان د روسیې پر وړاندې خپلې مبارزې ته دوام ورکوي.
بلخوا روسي جګپوړي پوځي چارواکي بيا وايي، چې عسکر یې د کيف ښار څو کيلومټرۍ ته نږدې شوي او په نږدې وخت کې به دغه ښار تر خپل کنټرول لاندې راولي.