روسيه او اوکراين مذاکرات کوي
روسیه وايي چې له اوکراین سره د راپورته شوي کړکېچ د حل په موخه یې یو پلاوی بلاروس ته رسېدلی دی.
د کرملین ویاند دیمیتري پسکوف رسنيو ته د خبري ناستې پر مهال ویلي چې دوی له اوکراین سره د راپورته شوي کړکېچ د حل په موخه یو مذاکراتي پلاوی ټاکلی دی او دغه پلاوی بلاروس ته رسېدلی هم دی.
د سپوټنیک آژانس د يو راپور له مخې په دغه مذاکراتي پلاوي کې د روسیې د بهرنیو چارو، دفاع وزارتونو او همداراز د کرملین ماڼۍ استازي ګډون لري.
د یادونې ده چې دغه مذاکرات وروسته له هغې پيلېږي چې تېره ورځ اوکراین د روسیې د اوربند وړاندیز ومانه او د خبرو له لارې يې د مسائلو پر حل ټینګار وکړ.