د ماشومانو د ملاتړ صندوق تازه راپور
د ماشومانو ملاتړ صندوق وايي په افغانستان کې پنځه ميليونه ماشومان له لوږې سره مخ دي.
د ماشومانو د ساتنې صندوق په یوه تازه راپور کې راغلي، چې په افغانستان کې نږدې پنځه میلیونه ماشومان له لوږې سره مخ دي.
په افغانستان کې د ياد نړۍ وال صندوق د رسنیو مسوولې شارلوټ روز ویلي، چې په دغه هېواد کې د خوارځواکه ماشومانو په شمېر کې دوه چنده زياتوالی راغلی دی.
د مېرمن روز په وينا، د امریکا له خوا د افغانستان د شتمنۍ کنګل کېدلو له وجې دغه هېواد کې اقتصادي ستونزې ډېرې شوي دي.
هغې همداراز ويلي، په افغانستان کې د طالبانو حاکمیت له پیل وروسته، یو شمېر روغتيايي مرکزونه د مالي ستونزو او امکاناتو د نه درلودلو له امله تړل شوي دي.
د مېرمن روز په وينا دا یوه لویه ستونزه ده ځکه دلته ماشومان د اړتیا وړ روغتیايي توکو ته لاسرسی نه لري او یو شمېر يې هم د ډاکټرانو او د درملو د نه درلودلو له کبله له درمنلې وړاندې له روغتونه کور ته استول کېږي.
هغې ټینګار کړی، د دغې ستونزې د پراخېدو د مخنیوي په خاطر باید لودیځ هېوادونه پیسې کنګلې نه کړي او اجازه دې ورکړي چې افغانستان ته نغدې پيسې راشي.