د برېټانیې پخوانی لومړی وزیر په خپله لارۍ کې اوکراینیانو ته مرسته رسوي
له اوکرایني کډوالو سره د مرستې په موخه د بریټانیې پخوانی لومړی وزیر ډېوېډ کامرون په یوې لارۍ کې پولنډ ته د بشردوستانه مرستو د لېږد لپاره روان شوی دی.
کامرون پرون پر خپل ټویټرپاڼه لیکلي چې دا یو اوږد سفر دی، خو د نوموړي په وینا، هڅه کوي له مرستو بار دا لارۍ پولنډ کې د سره صلیب کمېټې ته وسپاري.
پخواني لومړي وزیر نږدې دوه اوونۍ وړاندې په بریټانیا کې د اوکراینیانو لپاره د مرستو راټولولو غږ کړی و او اوس یادې راټولې شوې مرستې پولنډ کې اوکرایني کډوالو ته رسوي.