خوست کې ځوانانو بېوزلو کورنیو ته د مرستې راټولولو کمپاین پیل کړی
په خوست کې یوې ډلې ځوانانو د دې ولایت بېوزلو او بې سرپرستو کورنیو ته د مرستو د را ټولولو کمپاین پیل کړی دی.
دغه ډله ځوانان وایي چې دوئ د هېواد شتمنو، سوداګرو او چارواکو ته ورځي، د مالي مرستې غوښتنه ترې کوي.
دا ډله ځوانان زیاتوي چې د دې کمپاین په پای کې به د یوې سروې په ترڅ کې بېوزله، مستحقې کورنۍ په نښه کړي او راټولې شوې مرستې به پرې وویشي.
دوئ د هېواد له شتمنو، سوداګرو او چارواکو غواړي چې په یاد کمپاین کې یې ملاتړ وکړي، ترڅو بېوزله او بې سرپرسته کورنۍ د ناهیلۍ احساس ونکړي.