بلېنکن: هڅه کوو، له افغانستان سره مرستې وشي
د امریکا بهرنیو چارو وزیر انټوني بلېنک ویلي، حکومت یې هڅه کوي،چې له افغانانو سره مرسته وشي او کنګل شوې شتمني یې ازاده شي.
بلېنکن ویلي، د افغانستان په تړاو د امریکا تګلارې ته یې د بیا کتنې سپارښتنه کړې ده.
بلېنکن زیاته کړې، چې واشنګټن غواړي، له دې پلوه ډاډ ترلاسه کړي،څو د دوی مرستې طالبانو ته ګټه نه کوي، خو نورو خلکو ته یې ګټه رسېږي.
بلېنکن ویلي، د وجهي صندوق د هغو ۲۸۰ میلیونه ډالرو له پرېښودو سره یې همکاري کړې، چې د افغانستان د بیا رغونې لپاره ځانګړې شوې وې.
نوموړي زیاته کړې، دوی په جدي ډول غواړي ، د افغانستان د اقتصاد لپاره نورې لارې چارې ولټوي، څو له خلکو سره ډېرې پیسې وي.