اوکراين کې روانه جګړه
په اوکراین کې روانه جګړه نوره هم پراخه او شدیده شوې ده.
اوکرايني چارواکو ويلي چې روسي پوځيانو تازه زموږ د تياتر يوه ودانۍ تر برید لاندې راوستې، چې هلته زرګونه کسان له جګړو څخه پټ وو او ښايي چې ډېره درنه مرګ ژوبله رامنځته شوې وي.
د روانې شدیدې جګړې تر څنګ د امريکا ولسمشر بايډن هم تازه څرګندونې کړي او ولاديمير پوتین ته يې د يو نړۍ وال جنایت کار خطاب کړی دی. هغه په اوکراین کې د پوتين روانې کړنې په کلکو ټکو غندلي دي.
بلخوا بيا د اوکراین ولسمشر ويلادیمیر زلنسکي وايي چې روسيه په يو ترهګر هېواد بدله شوې ده او هر هغه څوک يې چې د ورانۍ مخه ونيسي؛ نو نه يې پرېږدي او وژني يې.
هغه ويلي که څه هم د روسیې پرمختګ دومره د پام وړ نه دی، خو وايي ډېر درانه تلفات یې اړولي دي او لا هم اوکراينيان يې پر وړاندې کلک مقاومت کوي.