يوناما په طالبانو غږ کړی
یوناما په طالب حکومت غږ کړی چې د افغانانو حقونو ته دې درناوی وکړي.
يوناما يا د ملګرو ملتونو سياسي استازولۍ په طالبانو غږ کړی چې د افغانانو حقونو ته دې درناوي وکړي او د نیول شویو خبریالانو په هکله دې افغان ولس ته توضیحات ورکړي.
یوناما وروسته له هغې دا څرګندونې کوي چې په کابل کې د اریانا نیوز شخصي ټلوېزیون دوه خبریالان اسلم حجاب او وارث حسرت طالبانو نیولي دي.
یوناما دغه راز ویلي، چې په افغانستان کې د بیان او رسنیو ازادۍ په تړاو اندېښنې زیاتې شوې دي.
طالب حکومت بيا تراوسه پورې د يوناما تازه څرګندونو ته په ځواب کې څه نه دي ويلي.