لوګر کې د ۴۸ ښوونځیو ۱۵۰ ښوونکو ته روزنیز سیمینار پیل شو
د طالبانو د سرپرست حکومت د لوګر د پوهنې ریاست مسؤلین وایي، چې د محمدآغې ولسوالۍ د ۴۸ ښوونځیو ۱۵۰ ښوونکو ته د وړتیا لوړونې لس ورځنی روزنیز سیمینار پیل شو.
هغوئ وایي، چې دا سیمینار د پوهنې ریاست د ساینس او ښوونیزې تکنالوژۍ مدیریت د ښوونکو د وړتیاوو لوړولو په موخه د محمدآغې د هلکانو په لېسه کې جوړ شوی دی، چې ښوونکو ته به، د کیمیا، بیولوژي، فزیک، ساینس او ریاضي مضمونونو د تدریس او تجربو اړوند روزنه ورکړل شي.
د لوګر د پوهنې ریاست مسؤلین همدارنګه وایي، چې سږ کال تر اوسه ۸۵۵ نارینه او ښځینه ښوونکي روزل شوي او ۱۵۰ نور به هم وروزل شي.