د پاکستان د ملي امنیت شورا سلاکار معید یوسف د اترا له غړو سره لیدنه کړې
په دې لیدنه کې د اترا رهبرۍ او له پاکستان څخه کابل ته د ملي امنیت شورا د سلاکار معید یوسف په مشرۍ راغلو پلاوو ترمنځ په دوه اړخیزو همکاریو خبرې وشوې.
د اترا مسؤلین وایي، چې په دې لیدنه کې د مخابراتو وزارت او اترا سرپرست مولوي نجیب الله حقاني، د بورډ غړو او د دې ادارې د بېلابېلو څانګو رئیسانو د پاکستان د ملي امنیت له سلاکار معید یوسف او ورسره مل پلاوي سره د مخابراتو او ټکنالوژۍ په برخه کې د دوه اړخیزو همکاریو په اړه خبرې کړي دي.
د مخابراتو وزارت او د اترا ادارې سرپرست رئیس مولوي نجیب الله حقاني وایي، چې له پاکستاني پلاوي سره یې د تاجکستان، ازبکستان او ترکمنستان په پرتله له پاکستان څخه د انټرنېټ په لوړه بیه اخیستلو، له پاکستان سره د مرین او دارک نوري فایبر کیبل د نښلونې او پرمختیا، د اقتصادي زیان څخه د مخنیوي په پار د دواړو هېوادونو ترمنځ په صفري نقطه کې د فریکونسیو اذیت او تداخل څخه د مخنیوي، له منځنۍ آسیا، سیمې او نړۍ سره د ترانزیت لپاره د افغانستان له خاورې د ګټه اخیستنې او په افغانستان کې د عصري مخابراتي او معلوماتي ټکنالوجۍ (آی ټي ) آسانتیاوو رامنځته کولو او د مخابراتو او انټرنېټ په برخه کې یې ددغه هیواد اړتیاوې او ځینې نورې ستونزې شریکې کړي دي.
.
د دې ادارې مسؤلین وایي، چې د پاکستان د ملي امنیت سلاکار معید یوسف د مخابراتو وزارت او اترا ادارې ستونزې وا وارېدې او له افغانستان سره یې په مختلفو برخو کې د همکاریو ژمنه وکړه.
د پاکستان د ملي امنیت شورا سلاکار له څو ورځو را په دې خوا له مل پلاوي سره کابل ته راغلی او له مختلفو ادارو څخه یې لیدنه کړې ده.