د افغانستان المپیک ملي کمېټې او ورزش ریاست یو پلاوی ایران ته په سفر تللی دی
د افغانستان المپیک ملي کمېټې او ورزش ریاست یو پلاوی ایران ته په سفر تللی دی.
د رسنیو د راپورونو په حواله، مسؤلینو ویلي چې یاد پلاوی ایران ته د افغان کډوالو ورزشکارانو د ستونزو اورېدو او د هغوئ د ورزش روان بهیر د ارزولو په موخه سفر کړی دی.
چارواکي زیاتوي، چې دغه پلاوی به د ایران بېلابېلو ولایتونو ته سفر وکړي، چې هلته به له میشتو افغان ورزشکارانو سره لیدنه وکړي.
دغه پلاوی به هلته د افغان ورزشکارانو د استازي ټاکلو لپاره ټاکنې هم وکړي او د هغوئ ستونزې او ورزشي بهیر به د افغانستان د ورزش ادارې له مشرتابه سره شریکې کړي.